Eich Casgliad – dathlu 30 mlynedd o gelf yn Oriel Môn

Eich Casgliad – Dathlu 30 mlynedd o gelf yn Oriel Môn 

Agorwyd Oriel Ynys Môn i’r cyhoedd ar 25 Hydref 1991. Yn dilyn blynyddoedd o gynllunio a gwaith caled roedd gan Ynys Môn amgueddfa ac oriel gelf ei hun o’r diwedd a oedd wedi’i chynllunio i ddangos celf a gwrthrychau yn ymwneud â’n hynys unigryw a hudol. 

Mae’r arddangosfa ddathliadol hon, a fydd yn cyd-fynd â phen-blwydd Oriel Môn yn 30 oed, yn edrych ar darddiad y gwaith ac yn cyflwyno gwaith celf allweddol o’r casgliad sy’n adrodd yr hanes diddorol o’i ddechreuad a’i ddatblygiad fel un o brif amgueddfeydd a galerïau celf gogledd Cymru.