Eleni mae’r Ffair Grefftau yn fwy cyffrous nac erioed gyda dros 40 o grefftwyr o bob cwr o Gymru’n arddangos a gwerthu eu gwaith; pob un yn creu eitemau unigryw ac o ansawdd wedi’u gwneud â llaw. Mae dewis amrywiol o eitemau ar gael, yn cynnwys gemwaith, cerameg, gwaith coed, gwydr, gwaith metel, tecstilau ac addurniadau Nadolig. P’un a ydych yn chwilio am anrheg unigryw i rywun arbennig neu rywbeth bach i chi’ch hun, mae rhywbeth ar gael i bawb yn Oriel Môn y Nadolig hwn.