Mae’r arddangosfa hon yn ddathliad o fywyd creadigol Catrin wrth gyrraedd 60 oed fel artist proffesiynol. Mae yna amrywiaeth eang iawn yn yr arddangosfa hon - golygfeydd, bywyd llonydd, a darnau mwy haniaethol - gweithiau mewn ffrâm a rhai ar gotiau a chlogynnau. Llawer iawn o ddarnau newydd sbon ac ambell ddarn yn ymestyn yn ôl dros 25 mlynedd. Dywedodd Catrin “Mae wedi bod yn gyfle gwych i mi arbrofi mewn lliw a deunyddiau a chefais brofiad anhygoel o weithio gyda’r cerddor Pat Morgan (Datblygu) mewn cydweithrediad gyda chwmni’r Frân Wen”.