Ffurflenni Cais

I’w derbyn erbyn 30 Tachwedd, 2026 drwy ebost: nicolagibson@ynysmon.llyw.cymru, neu post/galwch heibio: Oriel Môn, Rhosmeirch, Llangefni, Anglesey, LL777TQ.

Rhaid cwblhau’r ffurflenni gan amgáu’r ffi briodol am y nifer o weithiau y byddwch yn dymuno iddynt gael eu hystyried.

Gall pob ymgeisydd gyflwyno hyd at dri llun. Byddwn angen ffi handlo, na fydd yn cael ei had-dalu, ar gyfer pob llun i’w gynnwys yn y gystadleuaeth, fel a ganlyn:

• Un llun £15
• Dau lun £20
• Tri llun £25

Noder: Ni fydd yn rhaid i fyfyrwyr dalu ffi handlo i gystadlu. Dylech ddarparu prawf o fod yn fyfyriwr gyda’r cais, e.e. copi o Gerdyn Adnabod Myfyriwr. Ar gyfer pob gwaith fydd yn cael ei gynnig, gofynnir i’r arlunydd gyflwyno delwedd o ansawdd dda ( gall hwn fod yn jpeg, pdf, wetransfer neu ffotograff). Ni ddylai maint y llun fod yn fwy na 1.5m x 1m, yn cynnwys y ffrâm.
Dylai bob ymgeisydd fod yn 16 oed neu drosodd.

Gwobr Cyntaf: £3,000
Gwobr Myfyriwr: £1,000

Mae’r gystadleuaeth yn cael ei barnu gan banel o feirniaid a fydd yn cynnwys arlunwyr, curaduron ac aelodau’r Ymddiriedolaeth. Y ganolfan weinyddol ar gyfer y wobr fydd Oriel Môn, ac mae’n bartneriaeth rhwng Ymddiriedolaeth Syr Kyffin Williams ac Oriel Môn.

Cydlynydd y wobr yw: Nicola Gibson, Rheolwr Profiad Ymwelwyr, Oriel Môn.

Bydd unrhyw gais i’r gystadleuaeth yn waith fydd yn gymwys i’w alw’n lluniad ym marn y panel dewis. Diffinnir lluniad, i bwrpas y gystadleuaeth hon: fel gwaith celf gwreiddiol, mewn dau ddimensiwn, fel arfer ar bapur, wedi ei wneud o farciau graffig fydd yn cynnwys y defnydd o linell yn y llun.