Camwch yn ôl miloedd o flynyddoedd i ddarganfod sgiliau, technolegau a bywyd bob dydd Prydain yn y cyfnod cynhanesyddol yn ein Penwythnos Hanes Byw Oes y Cerrig a’r Oes Efydd.

Ymunwch â ni a’r arbenigwyr hanes byw Dr James Dilley ac Emma Jones o AncientCraft i fynd ar daith ddiddorol drwy’r cyfnod cynhanes a dysgu sut yr oedd ein cyndadau’n goroesi, yn creu ac yn arloesi.

Gwybodaeth am y Digwyddiad

Amser: 10:00am – 4:00pm (y ddau ddiwrnod)

Archebu: Nid oes angen archebu lle, dim ond dod draw i fwynhau’r profiad.

Amserlen Arddangosfeydd Crefftau
Dydd Sadwrn a Dydd Sul

10:30am a 1:30pm – Arddangosfa Castio Efydd

Profwch y broses gynhanesyddol o weithio metel a darganfyddwch sut oedd efydd tawdd yn cael ei drawsnewid yn offer, arfau ac addurniadau dros 3,000 o flynyddoedd yn ôl.

12:00pm & 3pm – Arddangosfa Naddu Fflint

Cyfle i weld technegau naddu fflint arbenigol ar waith ac archwilio un o grefftau hynaf y ddynoliaeth sydd wedi goroesi hyd heddiw.

Beth i’w Ddisgwyl

Arddangosfeydd hanes byw Oes y Cerrig a’r Oes Efydd

Arddangosfeydd o grefftau gwreiddiol o’r cyfnod cynhanesyddol

Arteffactau wedi’u hatgynhyrchu a gwrthrychau wedi’u hailgreu

Cyfle i siarad â haneswyr profiadol

Gweithgareddau a chyfleoedd dysgu i’r teulu

Cyfle i ddysgu am archeoleg a thechnoleg Prydain yn ystod y cyfnod cynhanesyddol

P’un a ydych yn ymddiddori mewn hanes, yn deulu sy’n chwilio am ddiwrnod allan diddorol, neu’n awyddus i ddysgu am Brydain yn y cyfnod cynhanesyddol, mae’r digwyddiad hwn yn cynnig cyfle unigryw i brofi’r gorffennol wrth iddo gael ei ail-greu o flaen eich llygaid.