Leonard McComb

Ganwyd Leonard McComb RA yng Nglasgow ym 1930. Astudiodd yng Ngholeg Celf Manceinion, ac ym 1961, cyflawnodd radd ôl-raddedig mewn cerfluniaeth yn Ysgol Gelf y Slade. A hwnnw’n arlunydd amryddawn, cynhyrchodd McComb baentiadau, lluniau, printiau, cerfluniau, mosaigau a thapestrïau.

Bu’n dysgu celf mewn sawl sefydliad, Prifysgol Oxford Brookes, Coleg Syr John Cass, Ysgol Gelfyddyd Gain y Slade, y Coleg Celf Brenhinol a Choleg Goldsmiths, ac ym 1974, sefydlodd Goleg Celf Sunningwell, Rhydychen. Fel arlunydd enwog, arddangoswyd ei waith mewn orielau yn y DU ac yn rhyngwladol. Fe’i etholwyd yn aelod cyswllt o’r Academi Frenhinol ym 1987, a daeth yn aelod llawn ym 1991. Ym 1995, cafodd ei ethol yn Geidwad yr Academi Frenhinol, a thrwy hynny daeth yn gyfrifol am Ysgolion yr Academi Frenhinol tan 1998.

Roedd ei fam yn byw ym Menllech, a byddai’n mynd yno’n aml i aros gyda hi yn ei byngalo a oedd yn edrych dros y môr. Roedd arfordir dwyreiniol Ynys Môn yn ysbrydoliaeth aruthrol iddo, a chynhyrchodd sawl darn o waith yma. Bu’n byw ac yn gweithio yn ei stiwdio yn Brixton, Llundain tan ei farwolaeth yn 2018.

Yn 2020, derbyniwyd detholiad mawr o’i waith a oedd yn gysylltiedig ag Ynys Môn trwy rodd garedig ei chwaer, Anne Draycott.

Ar hyn o bryd rydym yn cynllunio arddangosfa ôl-weithredol o waith yr arlunydd a fydd yn cael ei dangos yn Oriel Kyffin Williams yn 2025.